Island Snapshot
971127

LinkExchange

A collection of news-briefs from The Tonga Chronicle, Ko e Kele'a, Taimi 'o Tonga, Radio Tonga. For more details of these stories, feel invited to buy a paper from one of the locations mentioned in our Tonga Media pages

Fiefia he ta‘u 20 ‘o e TCF.

Na‘e hoko e uofulu ta‘u ‘o e Sösaieti Fetokoni‘ki ‘a Tonga ‘i he ‘aho 23 ‘o Növema, pea na‘e me‘a heni ‘a e ‘Eiki Palëmia, Päloni Vaea ‘o Houma, ‘o ne kole heni ki he kau ngäue ‘a e kautaha ke nau laulotoa ma‘u pë e Saame: vahe 32 veesi 8 mo Palövepi vahe 16, veesi 3 koe‘uhi kae tonu e folau mo taumalingi mai ‘a e ngaahi tapuaki ‘a e ‘Otua ki he kautaha ‘i he kaha‘u.

Na‘e foaki foki heni ‘e he ‘Eiki Palëmia e me‘a‘ofa ‘a e kautaha ki he fuofua tokotaha ngäue mei he kautaha kuo malolo penisoni hili ‘a e ta‘u ‘e 19 ‘a ‘ene faifatongia ma‘a e kautaha, ‘a ia ko Viliami Kolingi ‘Akau‘ola ‘o Kanokupolu/Te‘ekiu. Na‘a ne kamata ko e ‘aka‘uli ‘i he 1978 pea ko ‘ene malölö eni koe taha ia ‘o e ‘ofisa ngäue faka‘ofisi (administration officer).

Ko e ouau malanga fakafeta‘i, na‘e fakahoko ia ‘e he Palesiteni malölö ‘o e Siasi Uesiliana Tau‘atäina ‘o Tonga, Toketä Sione ‘Amanaki Havea. Na‘a ne fakahä ki he kau ngäue ‘o e kautaha ke nau pikitai ki he ngaahi tefito‘i taumu‘a ‘a e kautaha mo fai totonu honau fatongia ke tuha mo e falala ‘a e hou‘eiki mo e kakai. Koe‘uhi kae malava ke hokohoko lelei atu ‘a e tupulekina ‘o e kautaha mo ‘aonga foki ki he fonua.

TU‘UKIMU‘A ‘A TONI MO MELANISIA ‘I HE KAU AKO SOTIA.

Na‘e fakahoko ha ako tau mahina ‘e tolu ‘a e kau sötia ‘o e Tau Malu‘ifonua ‘a Tonga ‘i Masefield Base, ‘i Touliki ‘i he ‘aho 21 pea na‘e tu‘ukimu‘a ai ‘a Pvt Toni Langilangi mo Melenisia Uele. Na‘e ma‘u foki ‘e Lance Kopila Sione Niutoni Faka‘osi ‘a e pale ki he toko taha fana leleitaha pea ma‘u ‘e Mesake Lätü ‘a e ako fakalakalaka taha.

TANUPOU ‘OE SENITÄ ‘O FAFINE -TO‘UTUPU

Na‘e fakahoko ‘i Novema 21 ‘a hono tanupou ‘o e senitä ma‘a e kakai fefine mo e to‘utupu ‘e he Ta‘ahine Kuini, Halaevalu Mata‘aho ‘i he Hala Vaha‘akolo ‘i Vaolöloa.

Ko e konga foki eni e teuteu ki he senituli fo‘ou, ‘a e Kömiti Pule ‘a e Kosiliö ‘a ia ko e langa ‘o e senitaa ni ma‘a e ako mo e fakalakalaka ma‘a e kakai fefine mo e to‘utupu.

Ko e US$40,000 ko e tokoni ‘a e Kosiliö ‘o e Ngaahi Siasi ‘a Mämani ka ‘oku fakafuofua e fakamole kotoa fakalotofonua ki he $900,000, pea fakahoko e langa ni ‘e he ngaahi siasi faka-Palotisani ‘o Siamane ‘o tokoni 90%, kae 10% ke kumi fakalotofonua.

Koe langa ‘oku fakahoko ‘e he kautaha Jaimi Associate and Architechs 'a hono ta oe palani mo hono fakalele 'o e ngäue ki hono langa ‘o e senitaa.

Founga lelei taha ki he tö ‘oe temata.

Ko e founga ko ‘eni ko hono kolosi e temata vao moe temata koe Summer sweet . Koe founga ko e crafting pea 'oku tui e toko taha ni Alfredo Curion, ko e founga lelei 'eni ke ngäue'aki 'e Tonga ni.

Na‘a ne pehë ko aka ko ia ‘o e temata vao ‘oku fu‘u malohi pea ‘oku faingata‘a ke uesia ‘e he nematodes, koe me‘a ia ‘oku uesia ai e temata ‘oku to i Tonga ni. Pea ko e temata foki ko ‘eni ‘e ‘ikai ke fiema‘u ia ke toe fana. Ka pau ‘oku ‘ikai ke toe fana e temata vao pea ko e ha ai ke toe fana e temata ko ia ‘oku ne ohi.

Ku ‘osi kamata ke fakatau atu ‘a e temata ka ‘oku te‘eki ke lahi.

Ko e ola ‘o e Sivi hu ‘a e ngaahi lautohi

Na‘e pehë ‘e he tokoni Talëkita ako Doc. ‘Ana Taufe‘ulungaki ki he va‘a ma‘ae ngaahi lautohi si‘i, ‘oku ola lelei ‘aupito ‘a e sivi hü ki he ngaahi Kolisi he ta‘u ni. Koe‘uhi ko e palopalema fakapa‘aga ko ia ‘a e pule‘anga ‘oku nau tukuhake ai e maaka ki ‘olunga ke fe‘unga pe mo e tokoteau ‘e lava ke hü ki he Tonga High School.

Pea ‘oku toe pehe kotoa pe ‘a e ako ‘a e Pule‘anga ‘oku nau tukuhifo e tokolahi ke fakatatau ki he tokolahi e kau faiako. ‘Oku ‘omai ‘e he Pule‘anga ‘a e pa‘anga fe‘unga pe ki he tokolahi e kau faiako. Pea ko e me‘a ia ‘oku fai ai e tokanga a e potungaue ke lava ‘o fakafe‘unga pe ‘a e kau sivi ki he tokolahi ‘o e kau ngäue te nau alama‘u.

Ko e tu‘ukimu‘a he sivi hü ko e Lautohi ko ia ‘a Mango. Ko e Failautohi ai ko Alifeleti Akoteu. Ko e failautohi ni ‘oku ne ngäue ki he kalasi ‘e Tolu, ‘a ia ko e kalasi 4,5 mo e6. Na ‘e ma‘u ki ai e Ingilisi mo e Tonga.

Teu foaki e mata‘itohi ‘o e Pilinisi

‘E foaki e mata‘i Master of Arts ‘o Pilinisi ‘Ulukalala Lavaka Ata ‘i Kenipela ‘i Tisema 10. Hili ia ha‘ane maa‘imoa ako ta‘u taha ‘i he Australian Defence Force Academy, Universty College- ko e va'a 'o e ‘Univesiti ‘o Niu Sauele.

Folofola Tapuni ‘o e Fale Alea

Ngäue ‘e nima kuo lava.

  1. Fakatau ‘apikolo ‘eka ‘e 3.7 ‘o e pule‘anga Tonga ‘i Hauai‘i, kei alea‘i mo e ‘eka ‘e 1,600 ke lisi.
  2. Tuku‘anga lolo lahi ke tu‘u ‘i Tonga ni
  3. Kei fai e alea mo e kautaha kasa ‘i Kolea.
  4. To e nonu ke uta atu ki muli
  5. Alea‘i e vavae ke uta atu ki Siapani.

Ma‘u pale ‘a e faiako ‘e 13 he ngäue mateaki

E foaki atu a e tohi fakamo‘oni ngäue mateaki fuoloa ki he kau failautohi ‘e toko 13 ‘o e Potungaue Ako ‘ehe Eiki Palemia Paloni Vaea ‘o Houma ‘i he lotu fakafeta‘i ‘a e potungaue e fakahoko ‘i he (Novema 27).

Ko e toko tahatolu ko ‘eni ‘oku ‘amanaki ke ma‘u atu ‘enu penisoni mei he potungue ako ko Lesieli L. F T Manu. Ta‘u ngäue: 39 mo e mahina ‘e 4. Sosaia L T Makahununiu Ko e ta‘u ‘e tolu fitu mahina ‘e tahataha. Seini N.T. Ngaluola, Ta‘u ‘e 28. Samisoni Tike Ta‘u ‘e 20. Luti Wolfgramme, Ta'u 'e 36 ‘Ana V. ‘Alamoti ta‘u ‘e 30. Sinoveti ‘O. Motuliki, ta‘u ‘e 39. Semisi Makoni Ta‘u ‘e 36. Moteiva Lasikau, ta‘u ‘e 22. Pasitia Afu, ta‘u ‘e 22.Manutaliu Liongitau, ta‘u ‘e 23 Victoria A. Folaumoetu‘i. Ta‘u ‘e 38.

Mali ‘a ‘Ilima Lei mo Tulutulumafua.

E fakahoko ‘a e mali ‘a ‘Ilima Lei Fifita ta‘u 23 mei Fasi mo Tulutulumafua ‘i Olotele Kalaniuvalu, ta‘u 28 mei Lapaha ‘i he Falelotu ‘o e Siasi Uesiliana ‘o Fasi mo e afi. ‘i he 10 pongipongi Tokonaki.

Ko ‘Ilima Lei ko e ‘ofefine ohi ia ‘o ‘ena ‘afifio.

Pule fo‘ou MC.International

Kuo fili foki ‘a Soane Kautai ke ne hoko ko e pule fo‘ou ia he kautaha MC.Na‘e ngäue foki ‘a Soane ko e pule ia he poate ‘uhila pea ne fakafisi mei he‘ene ngäue pea ko ‘eni kuo ma‘u ‘ene ngäue. Na‘a ne ako foki ‘i Initia ‘o ma‘u ai hono mata‘itohi he 1980.

Kamata fakatau atu e Piokalafi ‘o Taufa‘ahau Tupou IV fa‘u e Nelson Eustis.

Ko e tohi ‘oku peesi ‘e 320 mo e ngaahi ‘imisi ta ‘e 40 tupu. Ko e Talateu Koha tofolofola pe ia ‘a e Tama. ‘Oku pa‘anga ‘e 11.95.

Tu‘u kimu‘a ‘a Ha‘asini he solopani.

Ko e lautohi ‘a Ha‘asini na‘a ne ma‘u ‘a e fe‘auhi Solopani ko ia ‘a Tongatapu ni.Na‘e fakahoko ‘a e fe‘auhi ni he holo fakamanatu ‘o Kuini Salote ‘i he ‘aho 21 ‘o Novema.


Ongoongo mei Vava‘u.

Ki‘i felakaaki e kautaha lolo Shell mo e three stars. Ne ‘osi fakatau foki ‘e he kau taha fo‘ou ko ia ko e three Stars ‘a e tuku‘anga lolo ko ia ‘a Vava‘u. Pea ne a‘u ki he uike kuo maliu atu kuo toe fakafonu pe ‘ehe kautaha ia ‘a ‘enau fu‘u loli ‘o fakaheka he vaka Tautahi. Ko ia ne ‘i ai e ki‘i fe ta‘e mahino ‘aki ‘i he va ‘o e ongo kautaha ni ka na ki‘i felakaaki. Pe ko hai ‘oku tonu.

Mateuteu fakapisinisi ki he teu Kilisimasi.

‘Oku ‘amanaki ke fakaava ‘i he uike ua ‘o Tisema ‘a e falekoloa vala fo‘outaha moe falekai ‘i he vahe fonua Vava‘u Ko e falekoloa ‘o Moana mo Kipiloti Kuila ‘o Leimatu‘a.


Mei Hauai‘i…

Foki ‘a Laumanu Petelö hili ngäue he PIDP. Kuo foki ‘a Laumanu hili ia ‘a e kakato ‘o ‘ene ngäue ‘i he va‘a ki he polokalama fakalakalaka ma‘ae ngaahi fonua ‘o e Pasifiki

$20,000 ‘a e ‘Uluaki Siasi Metotisi Tonga.

Na‘e foaki ‘e he Komisoni fakafonua ‘a Amelika ki he ngaahi matakali mo e lotu kehekehe ‘a e $20,000 ki Siasi Metotisi Tonga ‘o Uaimanalo Hauai‘i.

Feinga pa‘anga SUTT ‘o Tofoa

Na‘e tanaki ‘e he Siasi Metotisi Honolulu ‘a e $3,000 i Nov. 14. Koe feingapa‘anga foki ‘eni ‘a e siasi ‘o Tofoa.

Kuo mo‘ui ‘a Taufa Lätü mei Hunga Vava‘u tupu mei he tokoni ‘a e misini tokoni fakamanava (Respirator) na‘e foaki ki he fale mahaki Vaiola mo e tokoni ‘a ha ongo neesi mataotao mei ‘Amelika.

Na‘e tokoto ‘a Lätü tupu mei he kona ne hoko ki hono Sino, Ko e tupu mei ha ki‘i me‘i feo ne hu ki hono va‘e ‘o kona ai. Pea ko e tokoni mahu‘inga ia ne fai ‘e he kautaha mei Utah, Amelika.


News Shorts

Please do not respond to the advertised vacancies by e-mailing the web page coordinators. If you find a post interesting to you, please contact the appropriate personnel (if we can supply the e-mail address/web site for you) or first check out the Tonga ISP site http://www.candw.to to confirm whether the organisation you are interested in has Internet access. Island Snapshot is a non-profit, voluntary service of postings for people interested in Tonga and unfortunately we do not have the resources to follow-up employment requests for people, nor do we have funding for the Resumes being posted to our e-mail address.

[ref: http://www.tongatapu.net.to]
Tonga on the 'NET

[For a piece of the Kingdom, and Your Own Domain Name,
http://www.tonic.to easily the Tonic.to Domain Name headaches.]