Ko e
Ngaahi
Hiva
Fa'u
Faka-Lotu

Ko e `u hiva `oku `asi atu heni ko e tanaki `o e ngaahi `u hiva kuo manakoa mo ngaue'aki `i he ngaahi ha'ofanga, feohi'anga Kalisitiani `a e kau Tonga.

Ka `iai ha'o `u fasi `oku `ikai ha atu `i he tohi ni, pea ke `omai ange mu'a ke fakakau ki he ki'i tohi ni ke tau `inasi ai.

samt@ nomoa.com


Ko e Ngaahi Hiva

  1. `E `Eiki ë ko au `eni na'aku hë 1
  2. `E `Otua fungani ma'olunga 1 (traditional)
  3. `E fa'ë ko ho'o ngaahi ngãue 1
  4. `E Tamai E, `e ngãlo nai `afe? 1
  5. `E Tamai kou fakamãlõ kiate ko e 1
  6. `Eiki Ë, `E `Eiki Ë 1
  7. `Eiki ke mau taha 1 (Lord Make Us One)
  8. `Eiki, fanongo mai ki he to'e 1
  9. `I he ha'ele atu `a e `Eiki 1
  10. `I he Pongia mai `eku mo'ui 1
  11. `Ikai nai ha Laumalie 2
  12. `Ofa ke Hoko 2 (May each moment)
  13. `Oiau `a e Monu 2 (Therefore the redeemed)
  14. `Oka ke ongosia 2
  15. `Oku `i ai ha `api ma'u 2
  16. `Oku `iai ha kolo fungani 2
  17. `Oku `iai ha Selusalema 2
  18. `Oku `ikai ke `omi `e he `Otua 2
  19. `Oku Mafasia nai ho loto 3
  20. `Oku Taha, Taha Pë 3 (We are one)
  21. `Oua na'a mamahi homou loto 3
  22. `Oua na'a tau fiu `i he failelei 3
  23. Ava mai `a e matapa 3
  24. Fakapo'uli `o e angahala 3
  25. Falala ki he `Otua 3
  26. Fekumi mai `a e Tauhi Sipi lelei 3
  27. Fifili e lotoni 3
  28. Hiki `etau fononga `i mamani 3
  29. Ho finangalo Sisu ke u fai 4
  30. Ka kohai `oku ne `ilo ki ai (E) 4
  31. Kalisitiane, ke fakatolonga 4
  32. Ke mou anga'ofa mu'a 4
  33. Ke mou ma'oni'oni 4 (Be holy)
  34. Ke tau hiva fiefia 4
  35. Keke hoko `Eiki Ko e Kapiteni 4
  36. Keke meesi kiate au `e `Otua 4
  37. Ko au `eni `Eiki `i Ho `Ao 4


`U Hiva Faka-Tonga

`E `Eiki ë ko au `eni na'aku hë

Chords:
C,G,C,G,C
C7,F,G,C,C7,F,G,C,Am,F,G,C

1. `E `Eiki e ko au `eni na'a ku he
Ke ke to'o hake au na'a ku mate
Ko hoku loto ke `oatu kiate Koe
kae `oleva pe kuo hoko mai `a ho'o pule.

2. Mo'oni na'a ku he `i he angahala
Ka e fakafeta'i ko e `Otua `ofa
he na'e `ikai te ke lau `a `eku hia
Ka na'a ke hapai hake au ki ho fatafata.

Tau:
Te u hufanga atu pe ki ho ta'ata'a
ta'ata'a na'e tafe mei he funga mo'unga
Ko e fakamolemole `o `eku hia.

`E `Otua fungani ma'olunga

Key C

1. `E `Otua fungani Ma'olunga
`alo'ofa mai
ko e masiva au, `Eiki e.

2. Tuku pe kiate Koe
hoku Laumalie vaivai,
Ma'u pe.
`E Tamai fonu `i he `alo'ofa,
`o ta'engata

3. Neu to'o pe `eku hia,
`o `atu ki ho nima mafimafi,
ko e hia au mo e masiva.
`E tamai e Ke u `iate Koe.

4. Hu'i a `eta ha'amonga, `apasia ki he `Otua
Ka ta ma'u `a e mo'ui, `o ta'engata.
`Oka hili `ae nunumovete ni, ke u `iate Koe.
Sisu e ko Koe pe, ko e Fakalaloa, moe Fakamo'ui.

`E fa'ë ko ho'o ngaahi ngãue

1. `E fa'ë ko ho'o ngaahi ngãue
Ne kotofa pea tala si'ono mamafa
Si `o lakanga `oku ta'efa'a lava
Ho'o mamahi ka tau mo'ui ai.

2. Tanaki fakataha `a e koloa `o mamani
Takitaha fakahã hono teunga langilangi
Takitaha fakahã `ene koloa mahu'inga
Ka ko e fa'ë `oku mahu'inga taha pe.

3. `E `otua `ofa tapuaki'i si'i fa'ë
Ke ne ma'u ha mo'ui mo ha fiemalie
Pea ka `osi mo tutuku `a e nofo ko `eni
Tau fiefia fakataha ki he langi.

`E Tamai E, `e ngãlo nai `afe?

1. `E Tamai e, `e ngalo nai `afe ?
Ho'o `ofa ne a'u ki he mate (Na'a ke pekia)
Na'a ke peki `i he kolosi
Koe `uhi pe ko `emau ngaahi hia.

2. `E laumalie fale he Tangata
Tu'unga ai `ene fakatomala (na'a ke pekia)
Na'a ke pekia `i he Kolosi
Ko e `uhi pe ko `emau ngaahi hia.

3. `A e talavou mo e finemui e
`Unu mai kia Sisu `oku ne kei tali pe (Na'a ne pekia)
Na'a ne pekia `i he Kolosi
Ko e `uhi pe ko `etau ngaahi hia.

`E Tamai kou fakamãlõ kiate ko e

Chords
C,G,G7,C
C,F,C,G,C

1. `E Tamai kou fakamãlõ kiate koe
`E Tamai kou hikinima kiate koe
Ki Ho ivi `ofa `oku fakaofo kiate au
Peau tu'u `o fakafeta'i, `e Tamai.

`Eiki Ë, `E `Eiki Ë

Chords:
E,B,E,E7,A,E,C#m,B,E,A,E

1. `Eiki ë, `e `Eiki ë
Fanongo ki he'eku to'e
`Oku fai kiate koe
Mei he tele'a `o e mate
Sisu e ke u nofo atu
`I he malu `o ho kapakau
Neongo e hulu faufau
`Ae mamafa `a e hia `a'aku.

2. He `ikai ngalo `i hoku loto
Sisu ho'o `ofa `aufuato
Na'a ke pekia ka mau hao
Mei he angahala `o e sino
Taumaia `e Sisu e
Fakahaofi au mei he mate
Kau foaki atu hoku kotoa
`Ou luva ia ma'a e `Afio na.

`Eiki ke mau taha

Chords:
C,G,C,
C,C7,F,C,Am,G,C

1. `Eiki ke mau taha
nofo fe'ofo'ofani
`Eiki ke mau taha
`o fetokoni'aki

Tau:
`Eiki ke mau taha
loto mo e `atamai
`Eiki ke mau taha
a'u ki Ha'o hoko mai.

2. `Eiki ke mau lea
`i he lea pe `e taha
mole `a e meheka
moe fakavahavaha'a

3. `Eiki ke mau lotu
`i he laumalie `e taha
ngaohi kimautolu
ke mau ongo'i `a'apa.

`Eiki, fanongo mai ki he to'e

SLV Taufa (arr. Steve Stewart)

Chords,
E, B7,C#m, G#7,A,E,D,B
B,E, B7,C#m, A,E,F#m,B7,E,A,E

1. `Eiki, fanongo mai ki he to'e
Ko e mo'ui `eni `e mole
Ka `oua kuo to mai,
`a Ho'o `Ofa
`O tataki, `a e fononga

2. Sisu ko koe pe `a e Hala
Ko e mo'oni, moe Mo'ui
"`e `ikai hu ha taha
ki he Tamai
Ka `i he'ene fou `iate Koe."

3. Ki he Tamai, `Alo, Laumalie
Tolu'i taha `Otua.
"`a e kololia mo e langilangi'ia
mo e mafimafi moe pule
mei `itaniti, pea onopooni,
pea kihe `osi'osingamalie
`a e ngaahi kuonga."
`Emeni.

4. Ki he Tamai, `Alo, Laumalie
Tolu'i Taha `Otua,
`a e kololia mo e langilangi kotoa,
Mei `i taimi ki `Itaniti.

`I he ha'ele atu `a e `Eiki

Key E

1. `I he ha'ele atu `a e `Eiki
Ko e kumi fua ki he'ene ngoue.
Pea `i he'ene ha'ele atu,
`One mamata ki he loto ngoue
He fu'u `akau `oku to'ulu `a si'ono lau
Ka `oku `ikai ha fua.
Pea folofola atu leva `a e `Eiki,
Ta moe ta'e'aonga `i he'ene ngoue

2. Ko e toki me'a fakaloloma
Pea ongo `o faka'ofa.
Ko si'ene kole `a e tauhi ngoue,
Ke tu'u si'i hifo `i he,
`I he ta'u ni ka e `oua leva
Keu keli takai mo taufetuku ki ai,
Pea ka toki `ikai, `ikai fua
Pea ke toki fa'iteliha he koe `Otua.

3. `Ofa ke ongo ki hota loto.
`A si'ene hufekina `oku fai.
`E Sisu `i he langi,
`I he `ao he Tamai.
Pea `oku ne kei tu'u ni `o ne tali.
Tangi mo kole, `e Tamai e.
Keke fakamolemole `a e hia `a e tangata
`Oku mau fai `i he vale mo e ta'e'ilo
`E Sisu e keke `Alo'ofa
`O `auhani kimautolu he ta'u ni
Hei'ilo na'a `i ai ha fua keke toli
Ke toli ki he mo'ui ta'engata `emeni.

`I he Pongia mai `eku mo'ui

1. `I he pongia mai `eku mo'ui
Ko Sisu pe neu manatu'i
Lau pe `e au kuo ne hanga `o li'aki
`A au mei he'ene vakai

2. Sisu kuo lahi fau ho'o `ofa
kau feinga pe keu hopo mei vaka
lau pe e au ia kuo te ngali tangata
keu taki pe `eku fononga


Tau:
Te u tuku nai `a Sisu
Tete tuku hoto monu
temau toe `alu ki he
`Eiki ko Koe pe
Puke au `e Sisu
Peau nofo ma'u
`Iate Koe mo Koe `iate au.

`Ikai nai ha Laumalie

chords:
C,G,C,G,C
C,G,C,G,C,C7,F,C,Am,G,C

1. `Ikai nai ha laumalie
ke `omi ma'a e `Eiki
`Ikai nai ha ngaue `ofa
Ma `a e fakamo'ui.

Tau
`Ikai nai ha laumalie
ke tali `a `Ene ui
Feinga'i mai ha laumalie
Ke `omi ma'ae `Eiki

2. Lahi ta'u neu maumau'i
Kuo u fakatomala'i
Te u foki au ki he `Eiki
Fai hono finangalo

3. Sisu ke ke ma'u ma'au
`A hoku laumalie
Malo Sisu ho'o ui
Ki hoku laumalie.

`Ofa ke Hoko

Ngangatu Fifita

Chords:
C,C7,F,C,Am,G
G,C,F,C,Am,G,C

1. `Ofa ke hoko, `a e taimi
Kotoa `e tau mo'ui,
Ko e ata, `oe `ofa
Ki mamani.
Ke `ia Sisu
Falala ki ai
`I he tui kia teia
Tene toe foki mai.

Tau:
`Oka ne ka fotu mai
Ke tau fakataha ai
`I he fiefia `anga
Hono naunau
Ko `emau lotu ia.

2. Humm 1st verse, while one voice reads Sione 3:16

Andraé Crouche

a. May each moment, of each hour
of each day of your life,
be a picture, of love to all the world
And in Jesus, may grow
may you trust him,
may you know of his Love,
And his love may know you.

Chorus
And when soon he shall come
may we all join as one
In the joy that we share
In his glory this is our prayer.

b. May your father, become real
In your life may you feel
The beauty of love to all the world
And where ever you may go
Tell the people, let them know
that his coming, is so very near.

`Oiau `a e Monu

Chords:
E,E7,A,E,C#m,B,E
E7,A,E,C#m,B
E,E7,A,E,C#m,B,E

1. `Oiau `a e monu
Kuo ke tofanga ai
he feohi mo hoku `Eiki
`o tu'unga ai si'ete poletaki

2. Fakamonu hota koloa ni kuo to
He fangu kuo malingi
si'i feilaulau
`a `ofa `aufuato

3. Na'e `ikai hato poto
pe ha ivi pe mafai
ka koe `ofa pe kuo lahi
ke huhu'i `a e ta'e'amanekina

Tau
Kae malo Sisu, ho'o tau ma'aku
Kuo u hao he nunu'a `o e mate
Fakamonu hota koloa ni kuo to
He fangu kuo malingi
Si'i feilaulau `a `ofa `aufuato.

`Oka ke ongosia

1. `Oka ke ongosia
`ikai tokoni taha
`Oua e loto fo'i leva
tafe mei Hono nima
Matavai `oe `ofa
Tapuaki `i ta'e fa'alaua

2. Fili hao kaume'a
`E a'u ki he ngata'anga
mamani fonu faingata'a
ha'u leva i he `Eiki
`I He'ene kei ui
Tapuaki'i me he kolosi

Tau
Kolosi `o Kalevale
Ta'ata'a ne tafe
Ke fakahaofi au mo koe
`Alo `o e `Otua ne pekia fakama
tapuaki'i ta'e fa'alaua

`Oku `i ai ha `api ma'u

Chords:
C,G,C,C7,F,C,G,C
C,G,C,C7,F,C,G,C

1. `Oku `i ai ha `api ma'u
`Oku `ikai ai ha mamahi
Ko e fiefia pe moe hiva
`Oku `ikai ha malolo.

2. Ka `api'api `a e hala
Manatu ne fou ai `a Sisu
`Ene mamahi pe mo `alu
Ka mou a'usia `a e mo'ui

3. `Oku ne kei tukituki mai
Ko e ha `a e me'a teta fai
Ta tali mu'a `a e `Eiki
Kata ikuna'i `a e fili.

Tau
`Oua (teke fiu) `Oua fiu he fai lelei
`Oua (teke fiu) `Oua fiu he fai lelei
Te tau utu hono fiefia.

`Oku `iai ha kolo fungani

Chords:
G,D,G,G7,C,G,Em,D,G
G,G7,C,G,D,G,G7,C,G,Em,D,G

1. `Oku `iai ha kolo fungani
`oku ui ko hevani
kuo teu'i ma'ae kakai
tenau tali `a e `Eiki.
`Ikai `iha ngaue lelei
telia na'a polepole ai
tala'ofa pe `a e Tamai
fou `ia Kalaisi

2. `Iai teu hiva fiefia
ki he tu'i `oku ta'eliua
`inasi `o e ma'oni'oni
ko e fiefia `i he mo'ui
`ikai `i ha ngaue lelei
telia na'a polepole ai
tala'ofa pe `a e Tamai
fou `ia Kalaisi.

Tau:
Teu hiva fiefia
Ke `ilo `e he kakai kotoa
`a e ngaue fakaofo
`a e `Otua `iate au
He kuo u fononga
ki Selusalema fo'ou
teke lava ki ai
`i ho'o fanau'i fo'ou.

`Oku `iai ha Selusalema

Chords:
C,F,C,G,C,C7,F,C,Am,C,G,C
C,G,C,F,C,G

1. `Oku `iai ha Selusalema
Kolo fo'ou masani faka'ofo'ofa
`Oku ta'alo mai `a e kau ikuna
`Aukau mai `o nau tali he vaavaa.

2. Ko e tolu pe mo e hufia Tu'i.
`A e koloa `a e kakai nofo langi
`Oku `ikai `iai ha tangi
Fiefia pe mo e fe'ofo'ofani.

3. `Oku `ikai teu kei lata `i heni
Kuo to'oa hoku loto `i he Tu'i,
`Aho mo e po `a e ta'alo `a e `Eiki
Tukuange au ke u foki ki `api.

Tau:
Ongo malie (`a e hiva) `a e hiva (fiefia)
Nau kalanga kotoa `Eiki tapuha (`a ho huafa)
Pa mavava (kotoa) fiefia (fiefia)
Fakahikihiki `a e kau Ikuna.

`Oku `ikai ke `omi `e he `Otua

1. `Oku `ikai ke `omi `e he `Otua `a e ilifia
Ka ko e malohi pea mo e `ofa mo e fakapotopoto (rpt)

2. Kohai tu `a e Tu'i Langilangi
Ko Sihova ko e to'a mo e mafi
Kohai tu `a e Tu'i Langilangi
Ko Sihova ko e to'a mo e mafi.

Tau:
Haleluia, Halelui, Fakafeta'i (rpt 5)


`Oku Mafasia nai ho loto

Chords:
C,C7,F,C,G,
C,C7,F,C,G,C
chorus
C,G,F,C,G,F,C
C,C7,F,G,C

1. `Oku mafasia nai ho loto
hoha'a he kavenga `o e mo'ui
ki ha laumalie `oku fekumi
ki ha nonga mo ha malolo.

2. `Oku ne `ilo kanokato
`a e to'e mo e tangi kiate Ia
Ko hono nima `alo'ofa
Ala mai holo honau lo'imata.

3. Tali a mu'a `a e `Eiki
Kumuni ia ko e koloa
Ko e fiefia te ke `ilo
A'usia `a e mo'ui ta'engata.

Tau
Teke tali, hoku `Eiki ?
Teke tali, hoku Tu'i ?
`Oku `ofa, li'oa ma `au
Mo tauhi kia ko e ma'u pe.

`Oku Taha, Taha Pë

Chords:
C,Am,G,C
C,Am,G,C
C,F,G,C,Am,G,C

1. `Oku taha, taha pe
`a e `Alo `i he langi
Ko e taha angavaivai
`Ofa ne hulu pea ope

2. Ko e huafa ia `o Sisu
Na'e pekia kae hao `a koe mo au
`Oku ou `ofa kiate Ia
Pea te u muimui ki ai (tu'o 2)

`Oua na'a mamahi homou loto

Unison:
`Oua na'a mamahi homou loto
Tui ki he `Otua, tui foki kiate Au (rpt)

1. `I he fale `o `eku Tamai `oku `iai ngaahi nofo'anga lahi
Ka ne `ikai pehe kuo u tala ia
Vakai kuo u teuteu ha `api
Pea teu toe foki mai, ka `ave koe ki ai.

2. Ko e vaitafe, tafe mamalie
`Oku tafe `i Kalevale
Tuku ke tafe `i hotau loto
Mapunopuna ki he kolo
He `oku hange ha hainite
`Eku holi kiate koe.

3. Tauhi lelei taki atu au
Ki he matavai `oku nonga
He ko koe pe, `e `Eiki e
`A e matavai melie.

Tau:
Tauhi lelei taki atu au
Ki he matavai `oku nonga
He ko koe pe, `E `Eiki e
`A e matavai melie
He `oku hange ha hainite
`Eku holi kiate koe.

`Oua na'a tau fiu `i he failelei

"Tala `oe Fakalelei" Maliepo Siuhengalu

Chords:
D,A,A7,
Bm,G,D
G,A,D,D7
G,A,D,Bm7
E,E7,A
G,A,D

1. `Oua na'a tau fiu `i he failelei
`Ofa'i ho fili, moho kaunga'api
Tala `eni ia `a e `Eiki
Taa'i ho kou'ahe fakamolemole pe
He ngutuhuaange ma hamu kae melino pe,
`I ha `umu kinamanu kae fa'a ke.

2. Kohai ha tamai kataki pehe
Situ'a `a e foha kae tulimui pe
`Ofa `eni ia ki he `auhe
Ko e momeniti pe `a `ene fakatomala
Mu'omu'a pe `a e tamai he teu katoanga,
Ko e huli `o e `ofa faka-'Otua.

3. `Alu `a e tama ko e ki he `Olita
Ko e fie tukumo'ui ki he `Otua
Ko `eni ia `a e founga:
Ke fakafoki mai `a `ene feilaulau
Kae `oua kuo lelei mo hono pikilau,
Sipinga `eni ia kia koe mo au.

TAU
D,C,D
F#m,Bm,G,A
Bm,F#m,G,A,D
G,A,A7,D
`Eiki `omi mu'a ma'aku
Ha loto kuo momoi atu
Ngaohi keu anga fakama'uma'u
Fakalelei pea kamata `iate au.

Ava mai `a e matapa

1. Ava mai `a e matapa kiate au
Ke u fufulu `eku hia `i he Vaiola
ke ma'a hinehina `i ho ta'ata'a
pea u ma'u `a e pale koula

2. `E Sisu `ofa mai kiate au
`O ke tuku au ke u siofia
ho'o `alo'ofa ke tafe ma'u ai pe
peau tu'u ko e maama'anga.

3. Ko ho'o `ofa `oku ou mo'ui ai
`Oku to'oa `a e loto `i he fiefia
`Eiki tuku pe ke u mo'ui'aki
Kalauni `a e Tamai `i langi.

Tau:
Ko au ko e kiamatea (sinful person)
`E tamai e ke `oua teke
tuku au ki he ngaahi
tanu'anga `o `eku hia
Sisu pe, Sisu pe
ke u `i ai, ke u `i ai.

Fakapo'uli `o e angahala

1. Fakapo'uli `o e angahala
Kafo mo'oni ai hoku loto
Fakatomala mo `eku lotu
`ia Sisu tokoni'i au

2. Ne fu'u ongosia `eku mo'ui
Feinga ke fakahaofi ha sipi
Kapau `e `ikai `a Sisu mo au
`E `ikai te u ikuna'i.

3. `Ikai fa'a lau `a `eku kovi
tonu ke mole `a `eku mo'ui
ne ke kumi au ke fakamo'ui
`Ia Sisu ko hoku huhu'i.

4. Sisu ne `ofa kia au ...

Falala ki he `Otua

Chords:
C,G,C,G,C,
C,G,F,C,F,C,G,C

1. Falala ki he `Otua
Koia pe `ae hao'anga
Neongo `ae faingata'a
Ko Sisu pe tene lava
Hiva, Hiva he kei `aho
Hiva, Hiva aipe he po
Ma'u aipe, ma'u aipe
Ketau Hiva, Hiva, Hiva.

2. Trust in the Lord and don't give up,
He is a so true to you.
No matter what your troubles are,
Jesus will see you through.
Sing, Sing while the day is bright,
Sing, Sing while the night is dark

Sing, Sing, Sing.

Fekumi mai `a e Tauhi Sipi lelei

Chords:
C,G,C,C7,F,C,G,C,
C,C7,F,C,G,C

1. Fekumi mai `a e tauhi sipi lelei
`Ilo'i ha sipi `ikai hano tauhi
Tonu pe ke ke hanga `o li'aki
Ka na'a ne ui ia muimui mai ki `api.

2. Vakai ki ha fonua mama'o
faka'amu ke ala mai ho nima `ofa
tokoni mai Sisu pea u `ilo
kuo u ma'u `a e melino, ma'u mo e ikuna

Tau:
Fafanga `eku fanga sipi he
tuku ke ne inu he vai ma'a `o e mo'ui
tuku ke ne `alu tau'ataina pe
fafanga `i he ngoue `o e mo'ui.

Fifili e lotoni

1. Fifili e loto tangi lo'imata
fepaki moe fili lahi e `ahi'ahi
ka koe `Otua `oku ne tokanga
tene tokoni mai `ihe faingata'a.

2. Holi `o e kakano hoha'a e loto
Ko e veiveiua `ikai lava ha me'a
ka ko `ene folofola tu'u `o Ta'engata
Tene tokoni mai `ihe faingata'a.

Tau:
Ui kiai pea tene tali koe
tala kiai ho loto hoha'a
tene tataki koe `ihe fononga ni
tene tokoni mai he faingata'a.

Hiki `etau fononga `i mamani

1. Hiki `etau fononga `i mamani
Ko e toenga `o e mamahi
Sio ki mu'a ki he kolosi
Ko Sisu Kalaisi


2. Kuo pau ke vete `e he mate
`A hotau fale kelekele
Na'a hoko mai `a e lomi ngaue
Ka tau teu pe

3. `Oku `unu mai ha `aho pehe
`E hoko ka kuo ta mavae
Tutuku `i he nofo taimi e
Hu `o ma'u `a e pale

Tau
`Oku `iai ha kolo fungani tulutai
Kuo teuteu `e he'etau Tamai
Ko ia `e teu te ne lava ki ai
`O nofo mo e Tamai

Ho finangalo Sisu ke u fai

Chords:
E,B,E,E7,A,E,C#m,B,E

1. Ho finangalo, Sisu ke u fai
Kehe ke `aonga `eku mo'ui
ke u fiefia, `aho mo e po
ke u fakahoko ho'o lao.

2. Kuo u lavea kuo u vaivai
Sisu tokoni faito'o mai
Ka ko e toenga `eku mo'ui
fa'iteliha Sisu `a koe.

3. Kehe ke hoko ho loto pe
ko e `akau au, tufunga koe
o'i au Sisu ke u anga `a
ki he sipinga kuo ke ta

4. Hoku kotoa `oku `a'au
`ofa ke u fai pe ho'o fekau
ko ho'oku vaha'angatae
ke u tali angi ma'u ai pe.

Ka kohai `oku ne `ilo ki ai (E)

1. Ka kohai `oku ne `ilo ki ai
Na'a ko ha faka'osi ta'u e
Ki si'etau mo'ui ni
Pea ta laka atu ki kauvai

2. `E Sisu malo ho'o `ofa
Ho'o taki mai `a e fononga
`O ta lava mai ki he ta'u ni
Ka kuo to si'i kaunga fononga

Tau
Ko e nofo tutuku e
`a e nofo mavae pe
`Oku ha'u `a e `aho veteki
`A e nofo ni pea tau malolo

Kalisitiane, ke fakatolonga

1. Kalisitiane, ke fakatolonga
`a e talaki kuo fakaola
ke tokoni'i mo hufekina
`a e mo'ui fo'ou kuo ne a'usia

2. Masima `o `eni maama
ko e pulonga e kuo tatala
Tanumaki mo fakamaama
ko Sisu pe `a e mo'ui'anga

3. Si'i Sisu na'e kalusefai
ko e tasilisili e kuo fai
ko e poto te ne a'u ki ai
`o fakamahino e fekitengaki.

Tau:
laumalie tokoni mai
ko e ngaue pukenima'i
takanga mu'a `etau fohe
telia e sipi na'a he.

Ke mou anga'ofa mu'a

1. Ke mou anga'ofa mu'a `i ho'omou feangai
Manava'ofa, fefakamolemole'aki
`O hange foki ko e `Otua
Ke ne fakamolemole
Kimautolu `ia Kalaisi.

Ke mou ma'oni'oni

Tau
Ke mou ma'oni'oni
Ke mou ma'oni'oni
Ke mou ma'oni'oni
He `oku Ou ma'oni'oni

1. Keke hola mei ho'o ngaahi holi (Ka ke tuli)
Ka ke tuli ki he ma'oni'oni (ki he ma'oni'oni)
Tui (Ke tui pea mo)
Mo fe'ofo'ofani mo e kakai `oku lotu
ki he `Eiki (ki he `Eiki)

2. Tali a `a si'ene ui (Sisu pe ko e)
Sisu pe ko e ma'oni'oni (ko e ma'oni'oni)
Foki (`io keke foki)
Atu ki ai, ma'u ai `a ho kalauni (kalauni)

Ke tau hiva fiefia

1. Ke tau hiva fiefia
`I he `ofa `a e `Otua
`Ene `omi kitaua
Mei he ta'u kuo `alu na
Ko Sihova na'a ne taki
Si'etau fononga
Ko e `ave ki he kolo ta'engata

2. Nofo moke `amanaki
`Oku vave pe `a e taimi
Ke veteki `a e nofo ni
`Oku tau nofo `iai
Kake `ilo ko e nofo
Muli `eni `oku fai
Ke tau lotu mo tau kole pe ki ai

Tau
Tokanga'i `a e `ofa `a e `Otua
Na'a ko ha faka'osi ta'u e
kake teuteu mu'a ke vave
He ko `eni pe, `a e taimi faingamalie

Keke hoko `Eiki Ko e Kapiteni

Chords:
C,C7,F,G
C,C7,F,G,C
Chorus:
C7,F,C,G
C,C7,F,C,G,C

1. Keke hoko `Eiki ko e kapiteni
`oe ki'i vaka ni,
keke fai folau `ihe mo'ui ni
Sisu keke tokoni

2. Tuku keu folau `ihe faingata'a (solo)
Pe ko e peau
Sisu keke tu'u pe `i taumu'a (tenoa)
kehe pe ke tau fonua

3. Sisu malo `a ho'o `ofa
`o mau lava he `aho ni
kae `oua na'a tuku ho'o faka'uli
telia na'a mau ngoto ai.

Tau
Haleluia, haleluia
Ki hotau `Eiki
keke tokoni `e `Eiki
Homau Laumalie

Keke meesi kiate au `e `Otua

1. Keke meesi kiate au `e `Otua
he ko hotau `a e manava `ofa
keke tamate'i `eku ngaahi angahala
ke hoa moe lahi `o ho'o `alo'ofa

2. Matu'aki fo au mei he'eku hia
`ai keu ma'a mei he'eku angahala
`oku ou `ilo'i `eku talangata'a
`oku ma fe'ao ma'u pe mo `eku angahala

3. Fakatupu `iate au ha lotoma'a `e `Otua
`o toe langa'i loto ha laumalie totonua
keu hoko ko ha'o me'a fekau
ki he lolotonga ni pea moe kaha'u.

Tau:
Ko e feilaulau ki he `Otua
Ko e laumalie fonu he lavea
ko e loto lavea mo mafesifesi
`e `ikai ta'e toka'i `e he `afiona.

Ko au `eni `Eiki `i Ho `Ao

Chords:
E,B,E,A,E,B,E
A,E,B,E,E7,A,E,B,E

1. Ko au `eni `Eiki `i Ho `Ao
Ko e fie foaki atu kakato
Tokoni'i au `i he `aho mo e Po
Keu tuha mo taau `i hoku loto

Tau
`Oiau, he `Eiki
Ko Koe pe hoku ivi
`E `ikai tuku e fe'auhi
`Oku kei takamilo mai ma'u pe hoku fili
`Aofaki'i `aki au ho'o meesi

2. Ko au `eni ko e vaivai
Ka ko koe pe `a e malohi
Ko e mo'ui ni teu fuakolosi
Ke fakahaa'i `eku `ofa mo'oni.

Ko e `Alifa mo e `Omeka

Chords
E,B,A,E
E7,A,E,C#m,B,E
Chorus

1. Ko e `Alifa mo e `Omeka
Ko e `uluaki mo e kimui
Ko e kamata mo e ngata'anga
Fakafeta'i ko `Ofa ia

2 Monu'ia kinautolu
`Oku `i he ta'ata'a
`O e Lami ke fakangofua
Ki he `akau `o e Mo'ui

3. Pea `e `ikai toe `i ai ha mate
Pea `e `ikai ha mamahi
Pe ha tangi pe ongosia
Kuo mole `a e me'a mu'a

4. Ko e Sikaina ia nautolu
`Oku nofo kiate Ia
Pea `e nofo `a `Ene `Afio
Ko e `Otua `o nautolu.

5 Haleluia


Ko e Folofola ko e maama

Soni Miki, Lute Miki

Chords:
E6,A6,B6,E6,E6,A6,B6,E6
E7,A6,E6,A6,B6,A6,E6,B6,E6

1. Ko e Folofola ko e maama
Moe tuhulu ki ho'o fononga
Ko e Folofola moe `Otua
Koia `ae mo'ui'anga

Chorus:
Ko e si'i taha au `ae fanau
Ka `oku polepole `ae `Otua `iate au
He'eku ngaue, mo'eku fakakaukau
`Ou Laka mo Lea ma'u pe ke Taau

Ko e kamata'anga `o e mo'ui

Chords:
D,G,A,D,G,A,D
D,Bm,A,D

1. Ko e kamata'anga `o e mo'ui
Ko e fakalelei mo e `Eiki
fakalelei `88 `e lavanoa
`O kapau kuo ta kamata mo Ia.

2. `E takatu'a ai pe `a e `Eiki
Mo e fakalelei ki he mo'ui
fakaka'anga `o e lao `a `Ana
Ka e fakafo'ou `ia Sisu

3. Oh please let me walk with thee Jesus
Don't ever leave me alone
for without you I could never
I would never make Heaven my home.

4. Ke ta o mu'a mo koe `e Sisu
`Oua na'a ke li'aki au
He ka tuku koe `e `Eiki
`E `ikai te u a'usia `a hevani.

5. Te u fononga mo koe `e Sisu
`I he hala ko e koula `ata.
Ho'ataa `a e `api ko ia
Ko e lami `a hono maama.

Ko e Kolosi

Chords:
D,A,D,D7,G,D,A,D
D7,G,D,D7,G,D,Bm,A,D

1. Ko e kolosi
Ko e polepole'anga `eku mo'ui
`Ou loto keu `inasi
`i hono kona moe mamahi
tali pea mo mate
Ke ma fefahu'i
he'eku `ilo'i ko hoku `auhani

2. Kuo u tu'u keu pole'i
`a e mata `o e tao
pea ifo kia kita
ke tau mai mo e fa'o
pea ke toto'ia `a hoku sino
ko hoku teunga ia ki he kolo.

3. `Ikai ha fo'i
te u tuli pe ki he kaveinga
he kuo malave
loto `ia kita `ene pekia
pea tuku keu ikuna `i ho'o ikuna
mate kofa'a ho huhu na.

Tau
Si'oto kolosi, si'oto kolosi
te u fua pe ki he mate.
ko e laukau'anga
`o `eku tu'u ni
he funga mo'unga `o kalevale
ke mole `eku mo'ui
kehe keu ikuna
he `aho ko e.

Ko e pule'anga `o e `Otua

1. Ko e pule'anga `o e `Otua
`Oku tatau ia, ki he tangata (ki he tangata)
He katoanga `alu hono tala
Na'e hu'ufa taha, `enau fakamatala
(`enau fakamatala)
Ko e pisinisi kuo tupulaki
Ko e ngaue ki muli kuopau ke u fai (kuopau ke u fai)
Ko e ngaue `oku ne mo'ua ki ai
Pea ko ia ai, `ikai ha lava mai
(`ikai ha lava mai)

2. Teu `alu `o talaki fakaafe `a e Hau
Ke ke ha'u, ke ke ha'u
He `oku ne fiema'u
Me'atokoni kuo lava.

3. `A e kui mo e heke
Tu'u pe mu'a `o ha'u
He ko koe `a e taha
`Oku ne fiema'u.

4. Nunu'a `o e talangata'a
`E `ikai ha hu ... ta `a e tapu (ta `a e tapu)
Teunga `o e katoanga hono ta'ata'a
`Ikai teu ma, `ikai teu ma.

Ko e Siliva moe Koula

Chords:
C,G,C,C7,F,C,G,C

1. Ko e siliva moe koula
`Oku `ikai teu ma'u
ka koia teu ma'u
teu `oatu ma'au
`i he Huafa `o Sisu Kalaisi
`o Nasaleti tu'u `o `alu

Tau
`eva mo ke hopo mo ke fakafeta'i
`eva mo ke hopo mo ke fakafeta'i
`i he huafa `o Sisu Kalaisi
`o Nasaleti tu'u `o `alu

Ko e Tauhi Lelei ko Sisu Pë

Chords:
C,G,G7,C,G,C
C7,F,C,G,C,G,C

1. Ko e tauhi lelei ko Sisu pe
`Oku kumi `ae sipi na'e he
Kumi he `aho moe po
Ongo'i loto, `Ene `ofa kia koe mo au.

2. Ko koe ko e taukei `i he toafa ni
Sisu e tataki au
Ko e maama ko `eni lahi ai `a e fili
Sisu e malu'i `eku mo'ui.

3. Ka `i ai ha taha `oku fie mo'ui
Ha'u kia Sisu `i he `ahoni
Te Ne foaki atu pe `a e mo'ui
A'usia ai `a Hevani

Tau:
Sisu ko hoku loto
Te u `oatu ma `au
Te u hoko ko ho'o talafekau
Ki he maama ko `eni
Mo e mo'ui kaha'u
Sisu e tokoni'i au.

Ko ia koe Vaine

Chords:
G,D,G,D,G

1. Ko ia koe Vaine va'a tautolu
`ene fua `iate au ko e `ofa (3x)
`ene fua `iate au ko e `ofa.

2. Ko ia koe Vaine va'a tautolu
`ene fua `iate au ko e fiefia (3x)
`ene fua `iate au ko e fiefia.

3. Ko ia koe Vaine va'a tautolu
`ene fua `iate au ko e melino (3x)
`ene fua `iate au ko e melino

4 Ko ia koe Vaine va'a tautolu
`ene fua `iate au ko e ma'a (3x)
`ene fua `iate au ko e ma'a

Ko Mosese ne `ilo he vaitafe

1. Ko Mosese ne `ilo he vaitafe
to'a `a Tevita moe makata
`a Siosifa ne tala `a e `uhinga
`a Siona `e ne folo `e he ika
kohai tu tene tuku `a e kau to'a
tokolahi kuo kau he takanga
koe `Eiki tene tuku kenau lava
Fakataha he vavaa

2. `E `iai ha fu'u fakataha he vavaa
laka he `a e kuonga
te tau fakataha `iai (rpt)
ki he `api he langi
`e hiva fiefia `oku ongo `i langi na
talaatu ko e kololia
hu'i `a e ongosia `etau tali
fakataha he vavaa

3. Kuo lahi `a e `ume'a ne li'aki
`E `ikai ha fetu'utaki `a e langi
Pea `e tuai ka fai ha akonaki
Ki ha taha ne li'aki `a e ui
`e `ikai te tau fe'ofa'aki
houa lotu e mohe kuo `osi
hu'i `a e ongosia `otau tali
fakataha he vavaa.

Koloa Fufu `o e mo'ui `i he tui

1. Koloa fufu `oe mo'ui `i he tui
`Ete `inasi he kona `o e kolosi (2x)
Hoto fe'ao
Ko e falenga mamahi
Ka kuo mo'ui `ete `amanaki

2. `Aho mo e po `ete fakalauloto
Fakakakato pe ho finangalo
He ko koe `oku tu'u ai `eku manako (x2)
Hoto tuhani ke te tukulalo

3. Loa ni keu tu'u takai hoto lotofale
Ka ke tu'amelie ki he `aho ko e
Neongo e taufa `o e toafa mamate (x2)
Ka kuo sila'i kita `e he Lupe


Tau
`E Sisu kuo ke Tokaima'ananga
Vaa'ihala ni `ene faingata'a
Ka ko ho'o `ofa `oku tu'u ai `eku falala
Ko ia `a e nonga mo e ikuna.

Lahi fau `a e `ahi'ahi

Palu Tu'ipulotu

Chords:
D,G,D,A
D,G,D,A,D
Chorus
D,
D,G,D,A

1. Lahi fau `a e `ahi'ahi
Fai mai `e hoku fili
`Eiki tuku keu ikuna
`Ihe kau mai `a e `Afiona

2. `Eiki ka `osi kotoa `a mamani
Laolao pea lingolingoa
He ngaahi koloa mo hono masani
Teu lata `o kata `i ai.

Tau:
`Oua li'aki au
Fili tuku ke ta
Lau `e koe ko ho'o pele au
Li'aki au ka e ha

3. Faifai pea fa ngaahi matavai
Houhau pea hake peau
Ka ko natula ko ho'o pule
`Eiki e teu fefe nai

4. `Aukau mai si'i tokolahi
Fekumi ki he poto `o e `atamai
He holo mo paea li'aki
`Eiki e teu foki ki `api.

Lahi Ta'u `eku mo'ui hë

1. Lahi ta'u `eku mo'ui hë
vovo melie e matelie
Kae malo Sisu
ho'o vale `ia tama
tuku keu ha'uli atu
`i Ho'o `ofa

2. Si'i fononga ni kuo taumu'a valea
fepalekina `e he `au `oe mo'ui ni
tapinga `a maama, tuku keu hula
feilaulau tangata `eku mata'ikoloa

3. Vale hoku loto ni ke fakamatala
`ofa tonoa kuo te a'usia
fai foki Sisu `ai ke hulunoa
ho'o `ofa ki he `aunoa ko au.

4. `E Sisu e kuo u tukupa
toenga mo'ui ni, luva pe ma'au
fakatapui au ki ho `api ma'u
ko ha nasili, ki `itaniti.

Lahifau `a e Kavenga

1. Lahifau `a e kavenga
ongosia kau fononga
faka'amu `a e loto ha malolo
holitu'u keu a'u ki he kolo malu
ma'u ai `a e nonga moe fiefia

2. Hanga hake ki langi
Hiki `ae le'o ke tangi
ngali fu'u fuoloa `a e tatali
`Eiki ha'ele mai, ma'u ho'o kakai
he `oku kei he `a e tokolahi

3. Movete `a e famili
temau feinga ke kumi
na'a lava fai kiai ha tokoni
kapau koe tatali, `e lava ai kenau mo'ui
koe `uhinga pe ia si'emau tangi.

Tau:
Tatali pe mu'a `e Sisu
kei he tokolahi he po'uli
tatali pe mu'a Sisu
na'a lava haofaki'i ha ni'ihi.

Laumalie `o e `Eiki

Melenaite

Chords:
D,A,D,D7,G,D,A,D

1. Laumalie `o e `Eiki, `e `i ai e nonga
Laumalie `o e `Eiki, `e `i ai e `ofa
Mo'ui malu he po'uli
He malohi e maama `o tokoni mai,
Laumalie, laumalie `o e `Eiki.

2. Laumalie `o e `Eiki, ke tau hiva fiefia
Laumalie `o e `Eiki, ke tau pasipasi nima.
Mo'ui tukulolo
He maama `a e `Eiki ta'engata
Laumalie, laumalie `o e `Ofa

3. Hifo mai, laumalie, puke atu au
Hifo mai, laumalie, taki atu au
He ko koe hoku `Eiki
`i he `aho pea mo e po
Hifo mai, hifo mai, laumalie

4. Pea ka `osi laumalie, `a e ngaue heni
Laumalie ke ta o, he fononga atu
`Ia au `a e `Eiki
`I taimi pea mo `Itaniti
Ko e ikuna, ko e ikuna, Laumalie

Lotu he houa Pongipongi

Chords:
G,D,G,G7,C,G,Em,D,G

1. Lotu he houa pongipongi
Lotu he houa ho'ata
Lotu he houa efiafi
Ke ne haofaki `eta fononga

2. Sisu e me'a mai he pongipongi
Sisu e me'a mai he ho'ata
Sisu e me'a mai he efiafi
Ke ne haofaki `eta fononga

3. `E tali lotu `a e `Eiki he pongipongi
`E tali lotu `a e `Eiki he ho'ata
`E tali lotu `a e `Eiki he efiafi
Ke ne haofaki `eta fononga

Masima `o Maama

Chords:
C,C7,F,C,Cm,G

1. Masima `o maama
ka mole hono kona
fakakona `e he haa
kuo ta'e'aonga

2. Maama `o maama
kolo tu'u he mo'unga
`ikai ke malava
ke puli pe unga

3. Tu ho maama
pea ulo ke lahi
mata `e he tangata
pea fakafeta'i

4. Maama kuo tu
`oua `e pulonga
`oua `e fufu
kae maama kotoa.

Melino moe taha

Chords:
F,F7,Bb,C,F
F,F7,Bb,C,F

1. Melino moe taha ke fisifisimu'a
finangalo tapu ia hotau fonua
ke fakalekesi ia `i loto pea mo tu'a
`ae mo'ui lotolu ma'ae `Otua.

2. Taha mu'a mo Ia `i He'ene `ofa
Ko e melino'anga ia hotau fonua
Ke fakama'unga ki he mo'ui Ta'engata
Hala folau'anga `o ha'a tangata

3. Misiteli lahi taha kuo hoko mai
Hoko `o kakano `a e `Eiki Mafimafi
Pea ko e `Eikisoto `oe nofo mamani
`O fakafe'ao he `Alofi `oe Langi.

Tau:
To'utupu `o Tonga ke fanongo mai
Ko e ongoongo ni `oku fakahevani
Ke kumuni ia `i loto he tui pikitai
`a e mo'ui melino moe `ofa mateaki.

Mole `a e Langilangi

1. Mole `a e langilangi
Mo hono masani
ka Ne pekia `i he Kolosi
Hifo ko hota huhu'i

2. Manatu ki Kolokota
tangata kaiha'a
ne ne lea he manava'ofa
te ta `i Palataisi pe

Tau:
Ka `ikai `a e `ofa
hoko `o pekia
ka e hao ai kitaua
mei he angahala
hoko `a e `ofa
mo'ui fiefia
`ikai ha tala'a
`i He'ene `ofa.

Ne u ha'u pe `i he'eku tui

1. Ne u ha'u pe `i he'eku tui,
Falala kihe `Eiki
Pikitai hono nima,
`E `ikai te u li'ekina (te u falala)

2. `E `ikai te u tafoki
mei hoku `Eiki
He ko Ia e fakamo'ui
ne u ha'u `i he'eku tui

3. Lahi `Eiki, `a ho'o tokoni
`ikai lau `a `eku kovi
fakafeta'i kuo u ikuna


Neke fili au keu hoko ko ho nima

Chords:
C,G,F,C,G,F,C
C7,F,C,Am,G,C,G,C

1. Neke fili au keu hoko ko ho nima
Keu `avea ho'o folofola
kihe kakai kotoa
Hino'i mo tataki `eku fononga
Ko `eku ngaue kotoa
ke hili ai `a e `ofa.

Tau
Ivi, kelesi moe tapuaki meiate koe
ko `eku ngaahi kolo ia te u pukepuke
Fai tokonia mai `Eiki na'aku he
`Ihe mamani mo hono, koloa mole.

2. E'a mai ho'o ngaue fakamo'ui
Ki he ngaahi masani moe
Natula `o mamani
mo'ui lelei pe mahamahaki
ka kohono `Imisi
Ko au ko e sevaniti, `a e
Kau sevaniti `ae `Eiki.

3. `Ekinaki mo tala `a e folofola ma'aku
Ke fakataha ma'u pe
`eku ngaue moe Lotu
Ka kohai ia te ne fa'a lau
Na'a pau `eku setifikeiti
ki he kaha'u.

Ngãlo `afe si'i Fa'ë

1. Ngãlo `afe si'i fa'ë
Mo `ene ngaahi ngãue
fai fatongia pë ma'aku
`Ikai lava ke malau

2. Fai hoku tauhi mo fafanga
Talu e fatu mei manava
Mole `a e nonga he mo'ui
tatau e aho mo e po'uli

3. Pehë pë `a e `ofa `a e `Otua
He'ene tauhi kitaua
Neongo pë `a e faingata'a
`Oku ne ofi ke tokanga

Tau:
`E Sisu ë ke tapuaki'i mu'a
`Emau fa'ë he aho kotoa pë
Ke monû'ia pë `i taimi
`O fai ki `Itaniti

Pekia `a Kalaisi `i Kalevale

Chords:
F,C,F,Bb,F,C,F

Pekia `a Kalaisi `i Kalevale
Ke fakahaofi au pea mo koe
Fakapapau'i `Ene ngaahi tokoni
Tonu keu foaki `eku mo'ui

Lahi `a e me'a totonu ke u fai
Ke ikuna'i ha laumalie ki langi
Tala'ofa mai te Ne fakahaofi
`E fefe nai `eku tauhi

Tau
`Ikai te u tala mahino
`Ikai te u lotu fe'unga
`Ikai te u `ofa lahi
Ki hoku kainga
`Ikai te u lava ikuna'i pe `iate au
Te u tangi `Eiki tokoni mai.

Si'oku `ofa'anga ko koe mo au

1. Si'oku `ofa'anga ko koe mo au
Kapui `e he fuka `o e `ofa (x3)
Kapui `e he fuka `o e `ofa.

2. `Oku ne taki au ki he tepile fonu
Kapui `e he fuka `o e `ofa (x3)
`Oku ne taki au ki he tepile fonu
Kapui `e he fuka `o e `ofa (x3)

3. `Oku langa hoku fale `i he makatu'u
Kapui `e he fuka `o e `ofa (x3)

4. Te u hao `i he maka `oku tu'u ta'engata
Kapui `e he fuka `o e `ofa (x3)

Sisu ko koe pë

Chords:
C,G,C,C7,F,C,Am,G,C

1. Sisu ko Koe pë, `a e hala moe mo'ui
Ko koe taha pë, `a e Mo'onia
fakafeta'i `Eiki, he `ofa pehe fau
te u fakafeta'i, fai ma'u ai pe

2. Te u hiva fakafeta'i ki hoku taki mu'a
`Oku tatau he `ahoni, pea ta'engata
fakafeta'i `Eiki, `a hoku laumalie
te u fakafeta'i, fai ma'u ai pe.

Sisu, Sisu, Kuo ke huhu'i au

1. Sisu, Sisu
Kuo ke huhu'i au
Tanumaki au Ma'au
Fakalalaka `i ho'o Folofola

2. Si'i fanga sipi he
ko Ho `ofa'anga
Fakainu mei Vaiola
Fakalalaka `i ho'o Folofola

3. `Eiki ke mau lotu ma'u pe
Tui pea ngaue
Fiefia `iate Koe
Fakalalaka `i Ho'o Folofola

4. Sisu, Sisu
Sisu kuo u tukupa
Te u `alovili atu
Tanumaki au Ma'au

Ta'u e kuo situ'a (D)

Manatu ki he 18

1. Ta'u e kuo situ'a
`Atamai ne maamangia
Tama fai `a ho nafa
Ko ia pe si'ota vaka

2. Manatu ki he 18
Mo `ene fu'u fetuku
Manatu ki he mate
`Ene hange ha vaitafe

3. Hiki `etau fononga
Ke fai atu he hala
Sisu pe na'a ne `omi
`A e mo'ui vaivai

Tau
Sisu e teu fefe nai
Ko e mate `ena `oku `i ai
Sisu e kohai mo au
Ko koe pe tetau folau

Ta'u Fo'ou kuo tau `i ai

C

1. Ta'u fo'ou kuo tau `i ai
Tonu ke ta lotu ki he Tamai
He ko e `ofa `a Satai
`Oku fe'unga mo hotau vaivai

2. `Isileli `ena `oku ongo mai
Si'enau hiva mei kauvai
He ko e `ofa `a Satai
`Oku fe'unga mo hotau vaivai

Tau
Hiki `etau finangalo
Tuku kia Sihova
Nofo he'ene `ofa
Tala `o ta'engata

Talanoa Masani `o e fakamo'ui

1. Talanoa masani `o e fakamo'ui
`a `ene pekia mamahi
tautau he kolosi,
angahala ke tafoki
`e `ikai nai te ke tali ia.

Tau:
teke tali nai `afe teke tali nai `afe
`a si `ene ui `ofa `oku fai
`ene pekia he `akau
koe `uhi ko koe mo au
`e `ikai nai te ke tali ia.

2. `Ene fua toko taha
hia `a mamani kotoa
teke tali nai `ene pekia ?
Ta'ata'a ne tafe
mei hono fofonga `ofa
`E `ikai nai teke tali ia.

Tama ko e ui ë

Tama ko e ui ë
Ki hota lotofale
Si'i tukituki e
Mo e fakaongo pe
Kolot ha taha te ne tali
Si'ene fakaafe
Ko ho faingamalie
Si'i Sisu e
Ko e palomesi kuo `omi
Ke ne keinanga pea mo koe

Tama ko e ui ë
Ki hota lotofale

Tau:
`A hake ko e ui
Tama ko e fakamo'ui
Omi mo e loto tui
Nofo `i hota taloni
Vete hota ha'isia
Pea ta tau'ataina
Sisu e ko koe pe
Kuo ke hiki hake au
Mei he mate.

Te u `auhia ka mavae mo e `Eiki

Chords:
C,G,C,C7,F,C,G,C
Chorus
C,G,C,C7,F,C,Am,C,G,C

1. Te u `auhia ka mavae moe `Eiki
Mole `eku kaveinga pau
Te u he au he malie `o `eni
Toki faka'ofa ko au


Tau
Sisu, Sisu e, kuo ke `afio'i pe
si'ete fie mo'ui
Sisu, Sisu e, ko koe pe te u hao ai.

2. Te u mate ka mavae moe `Eiki
Ko e `auha pe si'oto kaha'u
Ko e mo'ui ni ia `e veteki
Toki faka'ofa ko au.

Te u hiva fiefia ki he `Eiki

1. Te u hiva fiefia ki he `Eiki
kuo ne fai hoku fakamo'ui
talu ai mo `eku nofo `o fifili
ki he taumama'o ho'o meesi.

2. `Ilo `e au `a e faingata'a `o e hala
Na'a ne fua fiefia `eku mala
`Ikai lava ke fetongi `e ha pa'anga
`Ene tangi kuo `osi, kuo lava

3. Ko e hala faingata'a kuo `ataa
kuo ngofua ki ha taha angahala
Te ne fie tali pea tukupa.
`Oku kei ...

4. `Oku `ikai ke Kalauni pe sepita
pe ongoongo `o e fiefia
te u muimui ki hoku `Eiki huhu'i
`o kailangaki'i `a hono huafa

5. Tu'amelie pe ki He'ene `ofa
`aofi au `e he kelesi tomu'a
Uoke kuo fakahaohaoa `i kita
`ou mamata tonu ki hono fofonga

Tau
Te u foua pe `a e hala ki Kalevale
Na'e foua pe ko e `uhi pe ko au
te u ngaue pe ma'ana, `oku ne mateaki'i au
te u foua pe `a e hala ki Kalevale.

Teu `alu `o talaki `ae Kosipeli

Chords:
C,G,G7,C,C7,F,C,G,C

1. Teu `alu `o talaki `ae Kosipeli
Ki he ngaahi kakai kotoa `o mamani
Ke talangofua kakato ki hoku Tu'i
Fua e Kolosi pea fononga pilikimi.

2.Tala `i `api ke `ilo `e he ngaahi famili
Pea fakamo'oni kau ka `i he `otu muli
Pea taliteke'i `a e fakatauele `a e fili
Teu muimui `ou fononga `i he tui.

Tau:
C7,F,G,C
C7,F,G,C
C,C7,F,C,G,C
Ne tu'unga `i he ha, `a hoku ui?
Ne tu'unga `i he ha, `a hoku fili?
Tokolahi e kakai moe taleniti
Ka kohai au keu poletaki `ae Kolosi.

3. `E fakahaa'i atu `i he'eku lea
Ke na talanoa mo `eku ngaahi to'onga
Pea fanongonongo ki he kakai kotoa
`A e talafungani e popoaki `ofa.

4. Ha'u ke ta kau `i he'ene Misiona
Kumi laumalie ki hono pule'anga
Kuo pau e fepaki mo e faingata'a
Ka e fakamaama ki he fuka `o e ikuna.

Toka moe Kafa hoku loto

1. Toka moe kafa hoku loto
Ha'isia `e he kakano
ka ne ala mai hono nima `ofa
veteange hoku popula

2. `Osi pe `eku tumu
Ho'o fie ala kia au
Sisu ne anga fefe ho'o fili au
`A au koe palaku

3. Ma'u a au `e `Eiki
Sila'i a au ma'au
Keu fai Ho finangalo
Nofo taloni `i hoku loto

Chorus:-
`Ou tafoki, keu vakai
Pe kohai ia ne ala mai
Peau hanga `o `ilo'i
Ta ko hono nima toto

Tuku Ke Ulo mai ho'o maama `Eiki

1. Tuku ke ulo mai ho'o maama `Eiki
Kiate ia `oku nofo `ihe po'uli
Ke ne `a `o `ilo'i `a `ene kovi
Pea afe mei ai ki he mo'ui.

2. `Ilonga `a ia `oku mafasia he mo'ui
Pea kumi nonga kihe kava malohi
Ha'u kia Sisu ko e tufunga mo'ui
Kene fakanonga `ae loto po'uli

3. Laumalie mo'ui keke me'a mai
`o tapuaki si'emau fakataha ni
Ke toloto monu'ia pea mo'ui `aki
`ae melino taha moe fe'ofo'ofani

Tau
Ko Sisu pe ko e `Amalani
Ha loto kuo `uli Kene fakama'a
Hoko ko e toluhama ma'a taua angahala
Ko e takihala ki ha loto va'ava'a.

Tuku keu nofo ho lalo va'e

Chords:
C,G,C,G,C
C,F,G,C,F,G,C

1. Tuku keu nofo ho lalo va'e
Sisu pekia `i Kalevale
fua ho kolosi tokotaha pe
mo'ui'anga hoku laumalie.

2. `Utu'utufia `a si'i Mele
Si'ene tauto'e ho lalo va'e
Ka ne folofola hifo `o pehe
tama he ko `ena ho'o fa'e.

3. Faka'ofa ko si'i kaiha'a
Si'ene kole hake ki he `Otua
Ka ke ka hoko leva ki ho Pule'anga
manatu'i kita ko e angahala.

4. Na'a ne folofola hifo `o pehe
tama nofo fiemalie pe
ko `eni kuo u tali `a ho'o kole
te ta `i palataisi mo koe.

Tau
`Oiau
He mamahi ne ne feau
Ko e `uhi !
ko e angahala `a koe mo au
Sisu !

Tukuange, Tukuange

1. Tukuange, tukuange, tukuange
`a e kavenga `oku `i hoku loto.
Tukuange, tukuange, tukuange
`a e kavenga `oku `i hoku loto.
`A e angahala ke tukuange,
fiefia `i he `Eiki.
Tukuange, tukuange, tukuange,
`a e kavenga `oku `i hoku loto.

2. `Angi mai, `angi mai, `angi mai,
`a e matangi `o e fakalelei,
`Angi mai, `angi mai, `angi mai,
`a e matangi `o e fakalelei,
Ta'aki fu'u mo hono aka,
kau nofo mo e loto ma'a.
`Angi mai, `angi mai, `angi mai,
`a e matangi `o e fakalelei,

3. Puke ma'u, puke ma'u, puke ma'u
`a e kalauni ...

Uisa he siate

Chords:
G,C,G,D,G,C,G,D,G
D,C,G,D,C,D,G,C,G,D,G

1. Uisa he siate fakalotofale'ia
ki ha fakalelei kuo fakateolosia
ko `etau mo'ui ke kelesi'ia
he kuo faka'itaniti hono kaveinga

2. `A e talavou pea moe finemui
ko e ma'afu ni ko e pununga mo'ui
ko hono fale'i laumalie mo'ui
ke tau tui pikitai ki he `Otua mo'ui

3. 1988 `e kuo kotofa
ke kapasa kiai si'etau fononga
ko Hono uho ko e folofola
`ihe `aukai moe fakalaulaulotoa

Tau
Fakalelei 88, `eni `o e ta'u
ko e melino'anga ia `o e kaha'u
he ko e toka'one `eni kuo pau
he ko e fononga ki loto tatau.

Vanavanaiki mai `a `Ene ui

1. Vanavanaiki mai `a `ene ui
Fanau mou foki mai
Ui mo kumi mai `a e Tauhi
Ha'u a foki mai ki `api (x2)

2. `Ene tengihia hota hufekina
Tautapa pe `i he `ofa
`One loto ke tafoki mai a
Ha'u `oku kei `ata.

Tau:
Ha'u ã, ha'u ã `o hu
Hu ki he pununga malu
Kau mafasia tu'u pe `o ha'u
He ko e `ioke molu.