Mapu-mei he-ngalu:

Loto teunga’ia

Ka tutu e kolo tupu’a´
Pea hamu hono matapä´
Te u kei nofo he ‘olita´;
Ka ta’aki hono pou´
Tauaki hono molumalu´
Falala pë ki hono malu´.

Ko e temipale tapuhä
Le’o ai hono huafa´
Se’e’anga ‘ete ilifia´;
Hono fale teunga’ia´
Hangë ha sino ha’ofia
‘I loto pea mo tu’a´.

Tafe mai hono kelesi´
Ma’upu ko e loto lelei´
Fio mo hono kakano´
Maunu ‘i hono toto´
Lalanga Ia ‘iate kita
Pea lï’oa au mo’Ona.

All Rights Reserved
Jione Havea
Ko ‘Efeso 6
Dec 12, 1997