Sia'atoutai Theological College - Ko hono fakahuafa

Hili 'a e malanga´, na'e fai 'e he Palesiteni 'o e Kolisi Faifekau´ ha lea fakafeta'i mo e tali fiefia 'o 'Ene 'Afio´ 'i he'ene hä'ele mai ke foaki ha hingoa fo'ou mo'o e Kolisi Faifekau´. Na'e toki tö 'a e folofola ko 'eni:

"Tapu mo Misa Kolove, Palesiteni 'o e Ako´, mo e kau Faifekau, mo e Hou'eiki mo Matäpule, mo e Käinga Lotu kotoa pë, 'a tangata mo fefine kuo tau fakataha he fale´ ni. Fakafeta'i 'i he 'ofa 'a e 'Otua ku tau fakataha lelei he 'aho ni."

"Ko e fakahä na'e fai kiate au´, ke u ha'u ke tau kätoanga fiefia he 'aho´ ni mo 'atu ha hingoa fo'ou 'o e 'api´ ni mo fai ha'aku poupou. Pea neongo pë 'eku faingata'a'ia ai´, he 'oku taha kehe 'a e kaveinga 'o e 'api´ ni ia, he ko e fakahingoa 'o e 'api´ ni, 'oku ou pehë ko e me'a pe ia 'a e Palesiteni 'o e Siasi´. Ka koe'uhi ko e kole ku fai mai´, ko ia ai kuo´ u fakakaukau'i ha hingoa ke 'ai ke fe'unga mo e kaveinga mo e ngäue 'o e 'api´ ni ma'a´ e kaha'u 'o e lotu hotau fonua´ ni. Ne u pehë ke vakai ha hingoa 'o ha 'eiki, kae 'ikai ha 'eiki ia ke fe'unga mo e kaveinga 'o e Kolisi´ ni. Pea´ u fakakaukau ki he kau tangata 'ilonga he ako´ mo e lotu´, kau manavasi'i na'a fehalaaki ia mo ha fakakaukau 'a ha ni'ihi 'o nau maumau ai kinautolu. Ko ia ne u fakakaukau ai pe au ki ha me'a faka-Tonga 'e ofiofi ke fe'unga mo e kaveinga 'o e Kolisi Ako Faifekau´ ni mo Ako Tohitapu´. Ko ia, kuo´ u pehë ke ui 'a e Kolisi´ ni "Ko e Sia-'a-toutai."

"'Oku 'ia ai ha tu'unga 'e tolu 'oku ngäue'ak 'i he sia´, mahalo na'a 'oku lahi atu, ka ko e ngata'ange 'eni ia 'eku ma'u ki ai´.

1. KO e 'uluaki sia´ ko e mo'unga 'oku tanu 'e he tangata. Ko e mo'unga´ ia ko e me'a 'oku ngaohi 'e natula, ka ko e sia´ ko e me'a 'oku tanu hake 'e he tangata.
2. Ko e ua 'o e sia´ ko e lalanga 'a ia 'oku ngäue'aki 'e he ngaohi 'o e kupenga toutai´--"siesia ange'a e kupenga ko eni´."
3. Ko hono tolu 'o e sia´ ko e tanu'anga ia 'o e 'eiki taupotu 'i Tonga´ ni, 'a ia ko e Tamahä

"Ka ko e hä 'a e toutai? 'Oku vahe ua mo e kau toutai´:

1. Ko e Toutai´ 'oku fai folau, mo e
2. Ko e Toutai ika.

'Oku na fakatou 'aonga ki he fakafolau 'o e kakai mo honau tauhi 'i he funga vakafolau´.

[ref: Ta'u 'o e Siupeli, Kolisi ko Sia'atoutai 1948-1998 Magazine.]
[ref: http://www.tongatapu.net.to]
© Tonga on the 'NET

[For a piece of the Kingdom, and Your Own Domain Name,
http://www.tonic.to easily the Tonic.to Domain Name headaches.]